SHILLONG: MPSC recruitment process ba kamna mande ra·anio cha·bokani gri kam ka·china dabie, Meghalaya Trinamool Congress Students’ Union, Bristibar salo okumu chake jingjengataha.
Meghalaya TMC’s Students’ Union, MPSC examination-ko ong·atanio Meghalaya-ni chadamberangko togie cha·enga ine matnange MPSC-ni kosako jingjengataha.
MPSC office mikkango, placard aro banner-rangko jako de·e, sorkariko kamna mande rim·anio kakket ong·e ba parak ong·e maming cha·boka gri kam ka·china dabie, jingjengataha.
TMC’s Students’ Union-ni dilgipa Bansharailang Pyngrope, indine aganaha, “MPSC-o mande ra·anio tik ong·gijarangko nikna man·enga. Bilsi 2019-onin MPSC exam ba porikkako ong·ata dongkuja. Bilsi 2020 December 14 tariko ge 328 post-rangko gapatna on·gipa advertise-oba da·onan porikkako ong·atkuja. Uni gimin chinga MPSC building-o salgimik okumu chake jingjengatna tik ka·aha.”
“Chief Minister, assembly-o Police department-o ge 2000 post ba biap bangbang ong·e dongako gapatna parakaha, indiba jensalo jingjengatgipa student-rangko grongaon, ge 800 vaccancy-san dongaia ine aganskaha. A·dokni chadamberang, recruitment process ba kamna mande rim·anio kakket ong·ako nangnika.”
MPSC-ba State Bank examination aro SSC gita ja·rika ong·ode nambegenchim. Porikka seani marks-ko pangnaba public-na on·rongja, interview-oba cha·bokani dongaia. Bangbang ong·e donggipa post-rango an·tangtangni manderangkosa ba tangka ra·esa napatengama? ine sing·angaha.
MPSC-o mande ra·anio tik ong·jani gimin M’laya TMC’s Students’ Union jingjengata
Date:
Share post:
