SHILLONG: Meghalaya Legislative Assembly-ni Autumn Session-ko mijal Sukrobar salo a·bachengataha aro ia skanggipa salo, Meghalaya Street Vendors (Protection of Livelihood & Regulation of Street Vending) (Repealing) Bill, 2022, National Law University of Meghalaya Bill, 2022 aro Meghalaya Fiscal Responsibility and Budget Management (Amendment) Bill, 2022-ko a·dok sorkari, Assembly-ni membor-rangna mesokangaha.
Ia Autumn Session-ko a·bachengatani salo, Meghalaya Street Vendors (Protection of Livelihood and Regulation of Street Vending) Act, 2014-ko ra·galpilna tarigimin Meghalaya Street Vendors (Protection of Livelihood and Regulation of Street Vending) (Repealing) Bill, 2022-ko a·dokni Deputy Chief Minister Prestone Tynsong, Assembly-ni membor-rangna parakataha.
Meghalaya Fiscal Responsibility and Budget Management (Amendment) Bill, 2022-ko a·dokni Chief Minister Conrad K Sangma, Assembly-o membor-rangna mesoke on·angskaaha aro National Law University of Meghalaya Bill, 2022-ko a·dokni Law Minister James K Sangma parakatskaaha.
Ia National Law University of Meghalaya Bill, 2022-ni gimin talataniko on·angengon, India sorkarini Law & Justice Ministry-ni dongimin niam gita a·doko ainni gimin chubata gadango skie on·enba, degree, diploma aro gipin award-rangko on·na Meghalaya a·doko National Law University-ko kulina ia niamko ra·baenga ine Law Minister parakataha.
