SHILLONG: North Garo Hills a·jao Bharatiya Janata Party (BJP)-ni president ong·e kamko ka·enggipa Manik Sangma, re·anggipa Sonibar salo Trinamool Congress (TMC)-o napangskaaha.
Manik Sangma-ni TMC-o napanina Opposition dolni dilgipa aro TMC-ni MLA Mukul Sangma, an·tangni kusi ong·aniko parakataha.
“Manderangni kosako kamko ka·enggipa MDA sorkariko jegale, North Garo Hills a·jao BJP-ni district president ong·e kamko ka·enggipa Manik Sangma TMC-o napaha. Anga gisik ka·tong gimikchi uko TMC-ni nokdangona rimchaksoa. Ku·cholsan ong·e chinga a·dokna aro a·dokni manderangna gital ong·atgimin bilchi dangdike on·na ku·rachakenga,” ine TMC-ni dilgipa aro a·dokni gitcham chief minister Mukul Sangma, social media-o parakataha.
