SHILLONG: Kangal cholgrirangna on·enggipa Pradhan Mantri Garib Kalyan Anna Yojana (PMGKAY)-ko a·songni Prime Minister Narendra Modi-chi dilenggipa ma·mong sorkari, jagittamna ra·dodapatahani gimin Meghalaya a·dokoba kangal cholgrirang, ia scheme-ni ning·o cha·ani bosturangko re·baenggipa December 31 tarikona man·angkugen ine Sukrobar salo, Meghalaya a·dokni BJP dol parakataha.
Kangal cholgrirangni namgnina ia scheme-ko ra·dodapatahani gimin a·songni Prime Minister Narendra Modi-ko mittelpilatengon, COVID-19 sajinmani somoionin kangal cholgrirang okumu dongna nangjana gita a·songni Prime Minister, ia scheme-ko ra·gate cha·ani ringani bosturangko sokate on·enga aro da·o ia scheme-ko jagittamna ra·dodapattaiaha ine BJP-ni state president Ernest Mawrie parakataha.
Prime Minister-ni ia PMGKAY-ko ra·gate on·anichi Meghalaya a·dokni kangal cholgrirangba cha·ani ringanirangko man·paengaha ineba ua Modi-ko mittelpilataha.
