SHILLONG: Meghalaya a·doko bading chiwalani kamrango gisik nanggipa manderangna aro chatro chatrirangna dingtangmancha Chief Minister’s Start Up aro Corporate Social Responsibility (CSR) Week-ko ong·atengon, Budbar saloba ia program-ko ong·atangaha, jeon dingtang dingtang skigiparang, bading chiwalani kamrango nangchakegipa kamrangni gimin jinmana agan-talate on·angaha.
Ia Chief Minister’s Start Up aro CSR Week program-ko Promotion & Incubation of Market Driven Entreprises (PRIME) baksana Invest India aro Start Up India nangrimenba, bading chiwalani kamrango gisik nanggipa manderangna, chatro chatrirangna, sorkari officer-rangna, NGO-rangna aro gipinrangnaba ong·atenga.
Budbar salo workshop-ko bakgni dake, chong·motan Startup India ASCEND Workshop aro Invest India CSR Workshop & First Bootcamp Cohort katta bichongrangko ra·e ong·atangaha aro ia program-ko ong·atanio dingtang dingtang official-rang, bading chiwalgiparangna aro chatro chatrirangna, agan-talatanirangko on·angaha.
Ia gittamgipa salo dongpae jinmana aganprakanggipa manderangara, a·dokni Commissioner & Secretary Dr BDR Tiwari, Planning-ni Commissioner & Secretary Vijay Kumar Damera, Invest India, North East Desk-ni Head Geetima Das Krishna aro gipinrang ong·a.
Bading chiwalanio gisik nanggipa manderangna Start Up aro CSR week-ko ong·atenga
Date:
Share post:
