SHILLONG: Songsakna baksana ge·gipin constituency-oba susachina ua agan-ku·pattiako man·aha aro party-na political-ni gita namgni ong·gen uno pangchake bon·kame tik ka·gen ine Opposition-ni dilgipa aro Trinamool Congress-ni Chief Minister candidate Mukul Sangma aganaha.
“Da·o dipete angni gisiko maming chanchiani dongkujaenga. Anga Songsakoni chakatgen aro unoni candidate ong·gen,” ua agandapaha.
Sangma 2018 bilsio Songsak aro Ampati seat-rang ge·gnion cheaha indiba Ampati seat-ko uni demechik Miani D Shira-na wate on·aha.
TMC ge sotdok seat-rang gimikon candidaterangko chakatatenga, ‘‘Chinga chena nidienga indiba apsan somaio chol ong·ode aro budi dakna nangbo nangjabo chinga chakatnaba ba chakatjanaba donga chinga ia somaio chanchigrikaona ra·bakujaenga,” ua aganaha.
“Candidate-rangni gimin chanchina kam ka·enggipako matchotatna ia kam gimikko party ka·enga aro kragipa bewalo kamko ka·enga jedakode chinga chakatna amgen chinga ka·dongenga,” ua aganaha.
TMC Supremo, Mamata Banerjee-ni a·dokona re·baani gimin aganao, ‘‘Dilgipa baksa chingni chalaigipa baksa melie uni re·baani gimin chinga jakkalgen aro chingni manderangni janggi tangani bewalna aro mikkangchi chu·sokgnina re·mikkangenga,’’ ua aganaha.
Ua Garo Hills a·jolona re·baode ine sing·anina, ‘‘Ia election-mitingo iako dakna ia somaio ong·ja,’’ ua agandapaha.
