SHILLONG: Tangka-paisa cha·bok-rusiani bidingo jeba matnanggipani gimin a·dok sorkari jrip dongna jotton ka·jaenga indiba matnanganirang gita sakkiko man·a nanggen unbaksana chol donga aro kakketko man·a sandigipa dolrangna chol mingsa donga ine NPP dilgipa aro Deputy Chief Minister Prestone Tynsong aganaha.
“Uni aganako chinga champengjaenga indiba maming sakki-sabotna lekkarang donggija ja·pang gri uni katta jokanisan neng·nikani ong·gen maina jeba matnangna ian altugipa ong·a indiba gimiknan ari donga. Nangni matnanggipa katta kakket ong·ode ka·sapae sakkiko mesokbo chol donga aro sawa uko sandina man·gen sandigipa dolrangna talate on·bo aro ia salrangni gisepo somai dongja seng·aona ra·bana nanggen,” cha·bok-rusiani bidingo agangipa kattako jrip donge chakna a·dok sorkari jotton ka·enga ine oppostion TMC-ni agangipa kattana aganchakao Tynsong aganaha.
Meghalaya Ecotourism Infrastructure Development Project (MEIDP)-o USD 76.05 million ba gong kror 632-ni tangka-paisako jakkalsreta ine TMC-ni a·songni kobor on·timgipa Saket Gokhale-ni matnangaha.
“Ua somaio Mukulni jeba sorkari rikchina pangnan matnanganirang dongaia aro indake matnangani sakki donga uni giminsa ua tanggalako man·aha,’’ ua aganaha.
“Salsaoni ia salona kingking matnanganirangna da·o ong·enggipa sorkari chanchienga aro cha·bokanirang bilongenga ine uamang agana ka·sapae nangni matnangani sakkiko mesokbo uko sandina chingo bang·en chol aro sandigipa dolrang donga jeo na·a cha·bokani donga gita nikenga ua department-o uamang champengna man·gen,’’ ua agandapaha.
“Jeba project-ko jeko chinga dakna man·gen chinga uni audit report donga jean CAG-ona re·anggen aro uamang mitamko jegalgen aro ua somaiona kingkinga sengbo,’’Deputy Chief Minister aganaha.
Tangka jakkalsreta ine matnanggipani gimin sakkiko mesokchina Dy CM ra·bia
Date:
Share post:
