SHILLONG: Mukroh-o Meghalaya-ni sak bonga songni manderangko Assam Police-ni so·otani a·sel ong·aoni anti gittam ong·nasipilengjok indiba ua mamlako sandiatna ku·rachakani gitan da·alona kingkingba Ma·mong CBI-na u·iataniko on·atkujaenga.
November 22 tarikon Assam Police sak bonga songni manderang goa man·e aro Assam Forest Guard saksa siaha a·sel ong·ani ja·mano ru·utgijaan Meghalaya-o delegation minister-rang Union Home Minister Amit Shah-ko grongaha aro CBI-chi sandiatchina aganaha.
Ua agangrikmitingo a·selko sandina Amit Shah namnike ra·chakaha aro adita salrangni gisepon sandichina gita CBI-na u·iataniko on·atgen ine ka·dongataha.
Ku·rachakatangko Ma·mong guala dake sandiataniko ru·uatatenga ine mamlako dal·e ra·e dondipatako man·gipa MLA PT Sawkme aganaha.
“A·sel ong·aoni anti gittam ong·nasipilengjok indiba sandina lekka sokatako chinga nikna man·kujaenga,” ua aganaha.
Ua mamlako ta·raken ma·mong baksa agangrikchina Meghalaya sorkariko agane a·selko gualchina Ma·mong sorkari manderangko nangnikenga ine ua aganaha.
Ua mamlani bidingo kakket bichalko manderang sengenga ia namrenge ra·ani budirangchi kam ka·jawa aro sandiatani hukumrangko ta·raken on·a nangchongmota, ua aganaha.
Mukroh-o ong·gipa a·selko sandina CBI-na hukumko on·kujaenga: Sawkme
Date:
Share post:
