TURA: Re·anggipa February 8 tarikoni 10 tarikona, CAU-ni ning·o donggipa College of Community Science-ni gita ‘Food Preservation & Packaging’-ni bidingo training program-ko ong·atangaha aro ia training program-ko ong·atna gita Meghalaya sorkarini ning·o donggipa Soil & Water Conservation, tangka paisarangko dakchake on·aha.
Ia salgittamna ong·atanggipa training program-o skie ra·gipa manderangna, achar, RTS squash, chips, candy-rangko tarina skie on·angan baksana korosrangko hisapani aro tarigimin cha·ani bosturangko pack ka·ani giminba skie on·angaha.
Ia training program-ko matchotatani salo, Divisional Officer Charseng Ch Marak, mongsonggipa sokgipa ong·e bakko ra·angaha aro tom·aniko College of Community Science-ni Dean, Dr Jyoti V Vastrad dilangskaaha.
Ia training program-ko Prof (Dr) Namita, coordinator ong·e dilangaha.
‘Food Preservation & Packaging’-ni bidingo training program-ko ong·ata
Date:
Share post:
