TURA: Assam Goalpara district-ni Meghalaya sima ariogipa Kolaipara, Meloparao donggipa bilsi gni ong·gipa Agape Sangma, jean mikron ripome saaniko man·engachim, uko sanna bannaniko dakna gita cholgri apgri ong·enggipa ma·gipa pagipa manderangni dakchakaniko am·ataha. Agape, jean mikrono tumer saaniko man·engachim, aro operate ka·na gita bang·a tangka paisarangko nangengani gimin ma·gipa pagipa bilsokjaengachim. Aganani gitade, uni mikronko operation ka·jaode je somoioba uni mikron, ong·katna gita kenchakani dongahachim.
Ma·gipa-pagipara salantini hajira ka·e cha·gipasan ong·ani gimin doctor-ni agana gita bi·sako operate ka·na lak 1.5 koros nanggipako man·jaengachim. Chinga noksulrangoniko dakchakaniko bi·achim, indiba uamangba ching gitan apsangiparang ong·ani gimin dakchakna chol ong·tokja, anga maikae uamangko dragen. Chinga online gitaba dakchakanirangko bi·ede nijokchim indiba system-an namen ka·sna, tumer-an uni mikronko cha·gnok ine chinga jajrengenga, aro maming cholgri nie dongaiengjok. Haida da·omangba ja·mande chakengnaba dongaha, jotton ka·agri nie dongsrangana agrede angna mamingba chol dongja,” Agape-ni pagipa Lalsen Marak aganaha.
Manderangni daka gita, bang·a manderangni dakchakaniko man·na ine ma·gipa pagipa ge·sa website impactguru, gita mol·molaniko dakaha, indiba uano, on·gilgiparangni on·gilani hajal 50 gapjaskalde nokdangni manderang, sanna bannania tangkako okna gita man·jachim.
Unigimin bilsigni ong·gipa bi·sana dakchakaniko on·china gita ma·a pa aro noksul-songsulrang mol·molaniko dakenga.
Adita manderangni dakchakaniko man·ani ja·mano me·chik bi·sako Guwahati-ni Shankardeva Eye Hospital-ona ra·angaha aro hospitaloni name ong·katsrangna gitade tangka-paisarangko nangkuengachim.
Ka·sae on·gilna sikgiparangde, link on·atenggipao dakchakatna man·gen.
Link: https://www.impactguru.com/
Bank Name: RBL Bank
Account number: 2223330003526466
Account name: Agabe Sangma
IFSC code: RATN0VAAPIS (The digit after N is Zero)
For UPI Transaction: assist.agabe@icici
Me·chik baksa dongchapenggipa noksulni number-onaba Gpay ka·na man·gen. Mobile number 9957495963. Uni SBI account number 34949455629 aro IFSC-ara SBIN0007977 ong·a.
 |
ReplyForward
|
