SHILLONG: A·dok sorkari, ma·mongni ning·o donge kam ka·enga, indiba a·dokni dilgiparang mikkangchi, gimik kamni a·barango biltango pangchakgipa ong·na ja·ku de·na nangenga ine United Democratic Party (UDP) general Secretary, Jemino Mawthoh aganaha.
“An·chingni a·dokara chonbegipa ong·a, aro an·ching skang salrangonin GOI-ni ning·o donge uamangni ge·etaniko ja·rike kam ka·bagipasan ong·a. Indiba da·ode an·ching biltango pangchakgipa ong·na re·mikkangna nanggen. A·dokni dilgiparang mikkangchini gimin name dake chanchibewale ja·ku de·na nangenga, ine Mawthoh aganaha.
‘An·chingo resource ba cholrang donga ine aganronga, indiba an·chingara basakoba a·doktangon man·gipa cholrangko jakkale bijoliko bikotna chanchia dongjokma, ine sing·ataha.
A·doko songdongenggipa manderangni nangnikaniko sorkari, chu·ongate on·na chu·sokjaenga, production-ni gimin agangenchimode, agriculture, horticulture, animal husbandry, aqua culture ba uandakgiparango ja·manchakengkua. Be·en bitin, do·bitchi me·su samjak aro gipin bosturangkon a·doko chu·onga gita man·ja jeni a·sel gipin a·dokrangonikosa ra·bana nangenga.”
Production ba man·gnirangko baridapatna nangenga, a·dok maidake production-ko bilakatna man·gen iani gimin chanchina nanggen ine UDP dilgipa aganaha.
A·bachengna nanggen, beben sorkari a·dokko develop ka·na dingtang dingtang mission ba ja·ku de·anirangko ra·baenga indiba chu·gimik chu·sokaniko man·kujaenga.”
Jotton ka·e nia dongsrangja inede aganja, indiba rakbate jotton ka·kuna nangenga, entrepreneur-rangko bilakate cholrangko on·na nanggen, indakachi bang·bea manderangna kamrangko bikote on·na man·gen, jedakode manderang sorkarini kamkosan nichake dongaijawa.
“An·ching be·en bitin cha·gipa a·dok ong·a, indiba a·doko chu·onga gita be·en-bitinko
