SHILLONG: Meghalaya a·doko drugs ba pekatgipa samrangko jakkalani aro badingsrukanirangko champengna gita police-rang bilakbatate kamrangko ka·engon, batanggimin konta 24-ni gisepon niam gri badingenggipa gong kror 7-ni ‘heroin’ samrangko police-rang rim·na man·aha aro sam badingenggipa mande sakbongako rim·na man·aha.
Batanggimin sal somoirangonin Meghalaya a·doko drugs jakkalani aro badinganirang batroroengani gimin drugs jakkalgipa aro badinggiparangko bon·atna gita sorkari rakbate kamrangko ka·na a·bachengahachim aro uandaken police-rang, batanggimin konta 24-ni gisepo, gong kror 7-mang ong·gipa heroin samrang baksana sam badinggipa mande sakbongakoba rim·na man·aha.
Koborko on·ani gitade, East Khasi Hills a·jao gong kror 3-ni heroin samrangko East Khasi Hills a·jani police-rang rim·na man·aha aro ia samrang baksana sam badinggipa mande sakgnikoba rim·na man·aha.
Ia manderangoniko police-rang, bike bolsa aro sam badingna jakkalgipa adita lekkarangkoba man·aha.
Iana skangba, East Jaintia Hills a·jao gong kror 4-ni heroin samrangko police-rang rim·na man·aha aro ia samrang baksana sam badinggipa mande sakgnikoba rim·na man·aha. Ia manderangoniko police-rang, SUV gari bolsa aro mobile phone ge 4-koba rim·aha.
Meghalaya a·doko drugs jakkalbatgipa aro sam badingbatenggipa damsni a·jarang donga aro ia a·jarangara, East Khasi Hills, Ri Bhoi, West Khasi Hills, East Jaintia Hills, West Jaintia Hills, West Garo Hills aro South Garo Hills a·jarang ong·a ine adita salrangna skangsan a·dok sorkari parakatahachim.
M’laya-o drugs jakkalani aro badinganiko champengna kamrangko bilakbatata
Date:
Share post:
