Resubelpara: North Garo Hills-ni District Administration, ia bilsini re·baenggipa November jani 3 aro 4 tariko skanggipa changna A’we Lantern Festival-ko North Garo Hills-ni Resubelpara Mini Stadium-o ong·atnasienga.
Salgnina ong·atnasienggipa festival-o dingtang dingtang event- lantern-ko watgen, game (kal·susaani), music aro cultural show-rang donggen. Indake District Administration, ia festival-ona sepango aro chel·ao donggipa manderang gimikkon bak ra·echina okamataha. Aro skanggipa changna ong·atnasienggipa festival-ni nitoaniko mikrontangchi nie an·sengchina okamaha. Festival-o lantern ba light-ko kosak bangbangona watdoa baksana gipin dingtang dingtang event ba susaaniarang aro an·sengatanirang donggen.
