RESULBELPARA: India sorkarini Textiles Ministry, Central Silk Board-ni Muga Eri Silkworm Seed Organization, Meghalaya-ni Directorate of Sericulture-ni Staff-rangna Technology Orientation Programko Mongolbar saloni a·bachengate on·aha. Programko July 22 tarikona P-3 Seed Station, Rompara, Resubelpara, North Garo Hills-o ong·atenga. North Garo Hills District-oni sak 25 sorkari official-rang training programo bak ra·tokaha. P-3 Unit, Rompara-ni Scientist-C Dr. Vikram Kumar, training programko ong·atani miksongarangko talate on·angaha.
India sorkari, MESSO, CSB-ni Scientist-D Dr. BN Sarkar, training programo chief guest ba mongsonggipa sokachagipa ong·e bak ra·aha. Sericulture-ara maidake muga culture Central Silk Board gita manderangna kamrangko bikote on·na dakchakgipa ong·gen ine aganangaha. India sorkarini Textiles Ministry, iandakgipa training program-rangko ong·atna ja·ku de·aha. Ian North Garo Hills-ni manderangna dakchakbegipa ong·gen.
Mendipathar OIC, MESSO, CSB, P 4 Unit-ni Scientist-C Sri Mahasankar Majumdar, uni P-4 unit-ni kam ka·anirangko talate on·aha. Uandake training matchote training-o bak ra·giparangna certificate-ko on·gen.
Uandake Baghmara-ni Farm Manager Sri Sony G. Momin aro Smt Nikchira Marak,, Reeling Manager, Resubelpara- uamangba program-o special guest ong·e bak ra·angaha.
Programko ong·atani ja·man technical programkoba ong·atjolgen, jeon Central Silk Board-oni bang·a scientist-rang re·bagen aro training ra·giparangna lecture ba skie agane on·anggen.
