U·IATTIMGIPAONI
SHILLONG: Re·anggipa Sonibar pringo a·dokni Chief Minister Conrad K Sangma aro gipin dilgiparangko re·dilangenggipa police escort gari bolsa, Upper Shillong-o a·sel ong·aha.
Ua somoio a·dokni Chief Minister aro gipin dilgiparang, Dawki-ona program mingsao bak ra·na gita re·angengachim.
Koborko on·ani gitade, Sonibar pring 9:30 bajimango, a·dokni Chief Minister aro gipin dilgiparang Upper Shillong gita Dawki-ona re·angengachim indiba ua somoio mikkangchipakni re·baskaenggipa Mahindra pik-up truck bolsa, Chief Minister-ko dilangenggipa police gari baksa su·gake a·sel ong·aha.
A·sel ong·anio gari bolgnian nosto ong·atako man·aha indiba Chief Minister aro gipin dilgiparangoni darangba saknaanirangko man·jaha.
