U·IATTIMGIPAONI
shillong: BJP Megha-laya Kisan Morcha aro BJP National Kisan Morcha apsan melie Meghalaya a·doko skanggipa changna NAMO Kabaddi Tourna-ment-ko PMO-ni Directives-o pangchake ong·-ataha. Ia kal·susaaniko biap damgnirango ong·-ataha. Sohra Sub-Division aro East Khasi Hills District-o December 20 2023 pringni 10 bajionin ong·-atengaha. Apsan salon Ri-Bhoi district-o attamo ong·atskangaha.
Sohra-o kal·susaanio mongsongggipa sokgipa-na Mr Shyam Shundor, Bholaganj Post-ni BSF In-charge-ko okamataha aro bakko ra·enggipa kal·susa-giparangna nama skani-rangko aro didiani katta-rangkoba aganjolangaha. Apsan daken, Guest of Honour Mr. Ekhel Marwein, Principal Ramakrishna Mission Bholaganj-ba kal·susagiparangna nama skanirangko on·angjolaha. Meghalaya a·doko ian skanggipa changna indake kal·susaaniko ong·atenga aro Managing Committee-rangko uamangni chu·sokatna kam ka·ani gimin de·mittele aganaha.
Meghalaya-ni BJP President Kisan Morcha, Shri Ralden Bryan Shabong indine aganaha, “Indakgipa ja·kurangko de·anichi a·doko kal·susana gisik nanggipa manderangko didina aro a·songko niksenggiparang ong·atna miksonganio ong·atenga.”
