TURA: Changbongagipa Meghalaya Games-ni bil·cham da·al Sukrobar attamo Tura-ona sokbagnok.
Ia bil·chamko re·anggipa Mongolbar salo, a·dokni Sports & Youth Affairs Minister Shakliar Wajri, kal·susaanio mingsinggipa Binningstar Lyngkhoi-ni jako watataha aro uandaken ua Shillong-oni, Mairang, Nongstoin aro Williamnagar gita Tura-ona ra·baengaha.
Meghalaya Games-ni bil·chamko Shillong-oni watatani ja·man, ia bil·chamko West Jaintia Hills a·jani Jowai-ona ra·angchengaha aro uandaken da·al Sukrobar salo, East Western Khasi Hills, West Khasi Hills aro East Garo Hills a·ja gita ra·bae bon·kamao Tura-ona sokbaengaha.
Ia bil·cham, da·al Sukrobar attamni 6:00 bajio Tura-ona sokbagen aro joljol ia bil·chamko Tura-ni District Auditorium-ona ra·anggen.
Changbongagipa Meghalaya Games-ko January 15 tariko, a·songni President Droupadi Murmu a·bachengate on·anggen.
