BAGHMARA: Adita salrangna skang, Niksamso Garo Community Organisation (NGCO) Baghmara zone-ni gita, South Garo Hills a·jani song damsao kangal cholgri ong·e dongenggipa nokdangna, ba·ra chola aro kombolrangko suale on·angaha ine u·iataha.
“South Garo Hills a·jani song damsao namen cholgri ong·e dongenggipa nokdangni manderangna chinga bang·e man·pajaoba, chingni kombol aro chola ba·rarangko suale on·angaha. Mikkangchiba chinga iandake banoba neng·nikanirangko man·e dongenggipa nokdangrangni gimin u·iatanirangko man·sogenchimode man·a dipet dakchakanirangko on·na jotton ka·angkugen,” ine NGCO Baghmara zone-ni dilgiparang parakataha.
