Myntdu Leshka Hydro Project-ni kamrangko Power Minister niea

SHILLONG: Sukrobar salo, Meghalaya a·dokni Power Minister AT Mondal, Myntdu Leshka Hydro Project-ni kamrangko nieaha aro ia project-ko nieani somoio Minister baksa Meghalaya Power Generation Corporation Ltd (MePGCL)-ni Director R Majaw aro gipin dal·dalgipa engineer-rangba dongpaaha.
Ia project-ni ning·o badita bijolirangko bikotna man·enga aro project-ko chalaianio mai dakgipa neng·nikanirangko chagrongna nangengachim, ia pilakkon ma·sie ra·na gita Power Minister, ia project-ko nieaha. June-ni 15 tarik dipet kam ka·taina sienggipa skanggipa unit-ko tariani bidingoba Power Minister, MePGCL-ni official-rang baksa chanchirimangjolaha.
Ia project-o mobile network-rangko man·jani a·sel kamrangko ka·anio neng·nikanirangko chagrongna nangtokenga ine ia tom·anio MePGCL-ni engineer-rangna Power Minister-na u·iatengon, Dam aro Power House-ni gisepo nambate agangrikna man·na gita VHF-ni repeater communication system-ko jakkalani bidingo official-rang ku·pattianiko on·angaha.
Ia project-ko nieanio Power Minister, Damsite-koba niangjolaha aro Dam Rehabilitatiion baksana Improvement Project-ni bak gita ka·enggipa kamrangkoba niangaha.
Ia project-ko matchotatna gita on·gipa M/S Multi Tech Engineers company-koba nambate kamrangko ka·china Mondal didiangaha.