AMPATI: Sombar salo, National Center for Vector-Borne Disease Control (NCVBDC), South West Garo Hills a·jani District Malaria Office baksa nangrime, Kumligaon songo Long Lasting Insecticidal Nets (LLINs) ba sam gnanggipa musurirangko songni manderangna suale on·angaha.
South West Garo Hills a·jao Malaria sabisiko warachakna gita kamrangko ka·engon, manderangko ia kenbegnigipa sabisioniko chel·chakna gita ia musurirangko songni manderangna suale on·angaha.
Ia LLIN-rangko suale on·na gita tom·aniko ong·atanio official-rang aro songni manderangba bang·en ia biapo tom·chimongtokaha aro an·tangtangni namgnina ia sam donggipa musurirangko ra·angtokaha.
Ia musurirangko suale on·anichi songni nokni manderang, an·tangtangko Malaria sabisioniko chel·chakna man·gen aro iana songni manderang, sorkariko aro health official-rangko mittelpilangtokaha.
