TURA: Meghalaya Rural Bank (MRB) Tikrikilla Branch-ko November-ni 29 tariko, Tikrikilla College-ni Principal Manseng A Sangma-ni jakchi kulie on·angaha.
Ia gital branch-ko kulie on·anganio Tikrikilla College-ni Principal, jinmana aganprakangengon, Tikrikilla jolo da·o dipet bank branch damgnisan dongkuenga ine Meghalaya Rural Bank-ni branch-koba ia biapo kuliaha gimin bank-ni official-rangko mittelpilangenba, ia branch-ko kulianichi, jolo songdongenggipa manderangna nambate dangdike on·na man·gen ine an·tangni ka·dongchakenganiko parakangaha.
MRB Tikrikilla Branch-ko Subankar Das, branch manager ong·e dilanggen aro ian Garo Hills-o MRB-ni dam 11-gipa branch ong·enga.
Ia MRB Tikrikilla branch-ko kuliani somoio dongpae bak ra·anggipa gipin manderangara, Chief Manager Marketing DS Roy, Regional Manager EC Lyngdoh aro gipinrang ong·a.
