Shillong: A·doko sason ka·enggipa NPP, uamangni manderangnasan mikkang nittee kamrangko ka·enga ine matnanganiko National People’s Party (NPP) dilgipa aro Cabinet Minister Ampareen Lyngdoh jegalaha aro a·dokni manderangna maming mikkang niteani grian apsan kam ka·enga ine aganaha.
Maming ja·pang ja·dil gri aro sakki gri party-ni kosako matnange dongaiana batede a·dokna namroro-silroroaniko ra·bana aro manderangni namgnina kam ka·anio bate jak on·pachina gita NPP dilgipa aganaha.
Da·o dipet NPP, a·dokni pilak biaprangon maming mikkang niteani gri kamrangko ka·enga aro je biapoba jat torom maming baseani grian dangdike on·enga ineba Cabinet Minister agandapaha.
A·doko NPP-ni rikdilgipa MDA sorkario da·o dipet darang political party-koba mikkang niteani dongkuja, scheme-rangko pilakan tikatenga aro Chief Minister Conrad Sangma, a·dokni silorognina aro a·dokni manderangni namgni on·kange kamrangko ka·enga inenba Lyngdoh aganaha.
