TURA: Baghmara Civil Hospital-na Hans Foundation-ni dakchake on·gipa dialysis unit-ko Tura-ona apjitna miksongenga ine Garo Students Union (GSU) Southern Zone Baghmara matnangatenba, ia dialysis unit-ko gipin biapona apjitangna on·jawa ine parakataha.
GSU-SZ Baghmara-ni u·iatani gitade, adita salrangna skang uamang, Baghmara Civil Hospital-ni Medical Superintendent-ko grongenba, National Health Mission (NHM)-ni Mission Director-ni seatgipa chittini bidingo jegalanirangko dakangaha.
“Baghmara Civil Hospital-ni dialysis unit-ko gipin biapona apjitna manchianiko chinga raken jegalenga maina Baghmara Civil Hospital-ni dialysis unit-ara ia jolrango songdongenggipa manderangna namen nangchongmotgipa ong·enga. Iako jolni manderangnasa kulie on·aha aro iako gipin biapona apjitanggenchimode ian Baghmara aro uni wilwilao songdongenggipa manderangna on·gimin bil aro cholko ra·sekani gita ong·gen,” ine GSU-SZ Baghmara parakataha.
Ia dialysis unit-ara jolo songdongenggipa manderangni namgnina on·gimin gam-jinsa ong·a ine janapatengon, “Tura-ko man·chape a·ja ge·antion ia apsan dakgipa cholrang donga aro ia dialysis unit-ko Baghmara-oniko ra·gale gipin biapona apjitatgenchimode, chel·a biaprangona re·ange sanna bananirangko ra·pana chol ong·gijagipa jolni manderangna neng·nikanirangko ra·baani gita ong·gen,” ine ia dialysis unit-ko apjitatgija Baghmara Civil Hospital-on donkuchina GSU-SZ Baghmara dabiangaha.
