SHILLONG: India a·songni dingtang dingtang biaprango Kristianrangko chadrapanirang batoroenganiko Tura MP Saleng Sangma mejalo aganaha.
Re·anggipa somoi mangmangoba Madhia Pradesh a·dokni Jalabpur-o denggdu dakgipa manderang, sakgni Catholic pamongrangko aroba torom olakina songreanggipa manderangko chadrapaha ine Sangma aganaha.
Right wing groups ba dolrangni bang·a changon a·songni dingtang dingtang biaprango Kristianrangko chadrapani gimin jegalenba Tura MP Saleng Sangma aro gipin Opposition dilgiparang Parliament-oni ong·kate kataha.
A·songo Kristianrangko chadrapanirang batororoenga, da·sikkari mangmangon chang 753-na Kristianrangko chadrapaha ine Pa Sangma aganaha.
Unomitingo ma·mong sason ka·gipa NDA sorkari Waqf Bill-ko an·tangtangni ska gita pass ka·draaia ineba Tura MP matnangaha.
“Waqf Bill aro Manipur-ni obostarangni bidingo aganpana gita chinga 2.30 am-ona kingking senga indiba chingna aganna chol on·jaha. Ian democracy-ko so·ota gita aroba constitution-ko ja·rikja gita ong·aha” ine Tura MP Saleng Sangma aganataha.
