Ampati: Tribal bi·sarangna namgipa education ba skia-poraianiko on·na re·mikkanganiko bilakdapatna Prime Minister Narendra Modi, Sonibar salo South West Garo Hills district-ni Zikzak C&RD Block-ni ning·o ga·akgipa Chopapara songo Eklavya Model Residential School (EMRS)-ko rikna gita online gita pangchakaniko songe on·aha.
Gujarat-ona Jantatiya Gaurav Divas-ko maniao bakko ra·na re·angaon Prime Minister, online gita virtual gita kror 1,900 damni ge 42 Eklavya Model Residential School-rangko oprakate on·aha unbaksana kror 2,320 damni gital ge 50 EMRS -ko rikna pangchakaniko songe on·jolangaha.
Online gita EMRS-ko rikna pangchakaniko songe on·angao Ampati DRDA conference hall-o Deputy Commissioner Smt. Hema Nayak, AC & BDO, Zikzak Smt. Torali K Marak, BDO Purakhasia Shri A.K Marak, District School Education Officer A.K Sheikh, EMRS Meghalaya-ni team, Education department-ni officer-rang, teacher, student aro Chopapara EMRS-ni contractor aro gipinrang bakko ra·angaha.
Indake Deputy Commissioner ta·raken Chopapara-o riknasienggipa EMRS-ni biapko niegen ine aganaha.
