SHILLONG: Meghalaya-ni Congress Party, re·baenggipa GHADC election-o susana gita party candidate seokchina mol·molaniko on·giparango sak 75 manderangni dorkastoko man·soaha.
Adita sal somoirang skang Congress, GHADC-o susana sikgiparangko dorkasto galchina okamaha. Indake da·odipet sak 75 manderangni dorkastoko man·sojok ine Congress-oni koborna u·iataha.
Ia application ba dorkastorangko Block-oni District-ona watgen uni ja·man bon·kamo state level-ona sokgen uoniko bimingrangko basegen.
Final ba bon·kame seokgipa candidate-rangni list-ko ia bilsini bon·angachibara parakatnaba donga. Indiba AICC-oniko ra·chakani ja·mansa parakatgen.
Indake ong·engon GHADC-ni election-ni tariko dingtanganirang dongnaba donga.
