AMAPATI: AI-na tarisoaniko bilakatna miksonge South West Garo Hills Balalgre, Captain Williamson Sangma State University (CWSSU)-ni campus-o salbrina capacity building workshop-ko ong·atangaha.
December 8 tarikoni 11 tarikona salbrina program-ko ong·ataha. St. Anthony’s College Shillong, North Eastern Council, Shillong-ni dakchakanio programko ong·ataha.
AI-ni tools ba ostrorang education-ni bimangko dingtangatengani somoio AI-ni cholrangko skie ra·na nangchongmotenga. North Eastern Region-ni institution-rango jagni somoirangni gisepon ChatGPT-ko jakkalgiparang million 100-ona sokaha.
Iandakgipa programko ong·ataniara AI tool-ko skianio, skie ra·anio aro research ba uandakgiparango dakchakani ong·a. Skigiparangna iandakgipa changa sapaniko skie on·aniara academic network-o dingtanganiko ra·bagen.
LushAITech Pvt. Ltd-ni Founder & CEO Shri Lawmna Kima, AI & Data Practice, Ernst & Young (EY) GDS India-ni Executive Director Dr. Ujjal Marjit, Centre for Information Resource Management (CIRM)-ni Head, Royal Thimpu College-ni Sr. Lecturer Dr. Tiatemsu Longkumer- uamang workshop-o resource person ong·e ba skie on·giparang ong·e bakko ra·angaha. Uamang faculty aro academic administrator-rangna training on·angaha.
Workshop-o bakko ra·giparang AI literacy, engineering, AI-ni content-rangni bidingo sing·e ra·angaha.
December 11 tariko South West Garo Hills-ni Deputy Commissioner Smt. Hema Nayak, workshop-o oprakate on·angaha. Convener, Dr. Temjenkala Jamir aro Organising Committee memboorang- CWSSU-ni Philosophy Department-ni Shri Earic Wanlambok Sohtun aro Dr. Rajesh M. Marak- uamangba bakko ra·angaha.
CWSSU-ni Vice Chancellor Dr. Vasanthi Vijayakumar, St. Anthony’s College Shillong-ni Rev. Fr. Dr. Arcadius Puwein- uamang iandakgipa workshop-ko ong·atanina kusi ong·aniko parakaha.
