TURA: Assam-oni apalni manderangna niam gri a·a pattarangko on·e tangkana a·a pale cha·anina aro uni official-ni gita kamko jakkalsretani bidingo bang·a a·jolrangni a·jani mondolni kosako GHADC-ni Deputy CEM-na badie ka·ani lekkako sedoaha.
Apsan district, GHADC lot mondol Mouza No VI-I Lot Pargana, Kalamalupura-ni Promesor R Marak-ni kosako West Garo Hills, Bhangarpar songni Gaonbura, Mottior Hussain badi ka·aha.
Hussain-ni aganani gita, Marak-ni cha·bok-rusianiko RTI-chi parakaha jeon ua Assam-oni komibeoba sak gittam songdonggipa manderangna niam gri a·arangko pale a·arangko songdongna on·ako rim·aha. Dingtang gipin RTI ka·ao Marak jemangan Assam-ni pangkamgipa sondonggipa manderang ong·achim ua manderangna a·a pattarangko on·aha ine ma·sina man·aha.
Tangkana Marak niam kamrangko ka·aha ine matnangna Hussain badia ka·na re·angaha.
Apaloni manderang niam a·a sekdraa ga·ek indakgipa kamrangko ra·chakna man·ja uni gimin ia mamlani bidingo dal·en chanchina nangao ga·akenganiko janape ta·raken Marak-ko uni da·o kamoniko dondipatchina ba apjitatchina bil gnanggipako Hussain didiaha.
