SHILLONG: Meghalaya a·doko da·o dipet sin·gekako chakna nangkuengon, re·baenggipa adita salrangnade a·dokni bang·bata biaprangon gurirang dinkunaba gnang ine Shillong-o donggipa Meteorological Centre-ni Indian Meteorological Department (IMD)-oni u·iataha.
IMD-oni u·iatani gitade, December 27 tarikoni January 2 tarikona a·dokni pilak a·jarangon maming mikka waani chinrang dongkuja indiba walni somoirango aro pringwalni somoirango gurirang dinskagen.
December-ni 27, 28 aro 29 tarikrango, a·dokni badiaba badiaba biaprango gurirang bilongbate dinani cholrang donga aro bang·bata biaprangon gurirang bang·a bang·gija dinaniko nikna man·gen ineba IMD-oni u·iataha.
Ia salrango, Khasi Hills, Jaintia Hills, Ri Bhoi aro Garo Hills-ni adita bakrango bilongbate gurirang dingen ineba IMD official-rang parakataha.
IMD-oni u·iatani gitade, December 30 tarik dipet a·doko guri dinanirang adita komianggen indiba pringni bakrangode guri dinaniko nikna man·angkugen.
Ia sal somoirango Meghalaya a·dok gimikon mikkarangde waani chinrang dongkuja ineba IMD official-rang parakataha.
