SHILLONG: Bombay High Court-ni judge, Justice Revati Mohite Dere-ko Meghalaya High Court-ni Chief Justice songaha ine ma·mong sorkarioni u·iataniko on·ataha.
Meghalaya High Court-ni Chief Justice, Justice Soumen Sen-ko dingtang biapona apjitatani ja·man, Bombay High Court-ni judge, Justice Revati Mohite Dere-ko Meghalaya High Court-ni Chief Justice songskaaha.
Ma·mong sorkarioni u·iatani gitade, Meghalaya High Court-ni Chief Justice, Justice Soumen Sen-ko Kerala High Court-ni Chief Justice songskaaha.
Kerala High Court-ni Chief Justice Nitin Madhukar Jamdar, re·baenggipa January 9 tariko, kamtangoni neng·takangengahani gimin uni biapko Justice Soumen Sen ra·rikskagnok aro Justice Soumen Sen watangahaon, uni biapo Justice Revati Mohite Dere, Meghalaya High Court-ni Chief Justice ong·e kamko jako ra·skagnok.
