SHILLONG: Sorkarini kamrangko ka·anio, an·tangtangni dakrongbewalosan ong·aigija, manderangni janggi tanganiko namdapatna gitasa gisik on·bate kam ka·china dingtang dingtang department-rangko a·dokni Chief Minister Conrad K Sangma didiangaha.
Chief Minister-ni aganani gitade, sorkari department-rang pilakan apsan nisan ba miksonganiko chu·sokatna kam ka·engoba, dingtang dingtang ong·esa kamko ka·rongengani gimin kamrangko chu·sokatna krenganio ku·cholsan ong·ani dongjaenga.
A·dokni namroro silroroanina niksamsoaniko chu·sokatanio pilak department-rangkon apsan ong·e chanchichina aro kamrangko ka·china gitaba Chief Minister didiangaha.
Office-ni kamrango dakna nanggnirangko chu·sokatna nangani gimin janapangengon, an·tangtangni dakrongbewal kamrangna agre gisik on·rongani a·selan basakobade sorkarini mongsonggipa miksonganikon chu·sokatrongja ine Chief Minister aganaha.
Namroro silroroanikode office-ni data-rangchi ba jakni kammangmangchide chu·sokatna man·jawa ineba ua aganaha.
Badita kilometre-ni irrigation nalarangko tariaha, iarangni gimin toe janapatengon, manderangna namgnirangko on·bebeengama on·bebejaenga, iarangko chu·sokatanisa badita chel·e nalarangko taria, iani chu·sokanikode ma·sina man·a ine Sangma aganaha.
Officer-rang an·tangtangni kamko maini gimin ka·enga aro department-rang an·tangtangni kamrangko ka·anichi a·dokni namroro silroroanina badita on·gilpaenga, iarangko ma·sie ra·na nangchongmota ineba Chief Minister aganaha.
Iandake kamtangni gimin rongtalbate ma·sigenchimosa manderangni nangnikani gita kamrangko chu·sokate on·na man·a ineba ua aganaha.
Department-rangni gisepo saksa sakgipinni kamrangko nambate ma·sigrikanichi sorkarini kamrangko ka·anio, saksa sakgipin baksa nambate kamrangko ka·na man·a aro daitorangko sualgrike ka·na man·a ineba Chief Minister aganaha.
Kamrangko dakrongbewalo ong·aigija nambate chu·sokatchina CM didia
Date:
Share post:
