SHILLONG: Skulrango class VI-oni class X-ona Meghalaya Cabinet-ni ra·gatgipa Community Integrated Skill Learning-ko Mongolbar salo, a·dokni Congress dolba ra·chakangaha indiba lekka poraniko pilakni gitan namdapatchina sorkariko didiangskaaha.
Iani bidingo kobor ra·timgipa manderang baksa agangrikengon, poraia dontonggimin pilak chatro chatrirangkon, matric sepiltaina cholko on·na gita sorkarini chol on·aniko Congress dolni dilgipa Manuel Badwar-ba ra·chakangaha aro lekka poranikode bilsi breaiani gimin champengna nangani ong·ja ine parakataha.
“Bilsi breahani gimin poraina man·jaha ia katta ong·ja. An·ching maming saloba poraiako dontongna nangja aro manderangna, uamangni neng·nikanirangko chena gita cholrangko on·na nanga,” ine Badwar aganenba, ian Education department-ni nambegipa ja·ku de·ani ong·enga ine parakataha.
Indake ong·genchimoba, iandakgipa ja·kurangko de·aniara lekka porani kamrango pilak neng·nikanirangkode namatna man·skaja ineba Congress dolni dilgipa aganskaaha.
Namgipa lekka porako on·anio chu·onggijanirangko parakatengon, Education department-o kamrangko mesokanian a·doko chu·onggijanirangko mesokani ong·enga ine Badwar parakataha.
“Lekka porako on·anio a·dok namen ja·manchakenga ine darangan ma·sia,” ine ua aganaha.
Lekka poraniko namdapatna gita pilak dilgiparangkon apsan chanchirimenba ja·kurangko de·china gitaba Congress dolni dilgipa didiataha.
Education department-ko dilenggipa manderangni gunrangni gimin janapatskaengon, Education department-ko dilenggipa minister-rangan, an·tangtangni changa sapani aro on·kanganiko mesokna nanga ine Badwar aganaha.
Adita salrangna skang, Cabinet-ni tom·anio, Class VI-oni Class X-ona Community-Integrated Skill Learning (CISL)-ko a·bachengatna aro Secondary School Leaving Certificate (SSLC) porikkao private candidate-rangko sena on·na gita gital niamkoba Cabinet ra·chakangahachim.
Sorkarini ra·gatgipa Community Integrated Skill Learning-ko Congress ra·chaka
Date:
Share post:
