SHILLONG: Silchidare gomane saknaatani gimin FIR ka·a man·gipa Wildlife-ni official aro gipin staff-rangni kosako nanga gita ja·kurangko de·china Tura-ni MP Saleng A Sangma, East Garo Hills a·jani police-rangko didiataha.
Sangma-ni parakatani gitade, ia a·selni bidingo re·anggipa bilsini December jaon, saknaatako man·gipa mande, FIR ka·ahachim indiba da·onan police-rang, matnanga man·gipa manderangni kosako ja·kuko de·kujaenga.
Re·anggipa December-ni 11 tariko, Samanda-o donggipa Dinaminggre Resort-ona re·angmiting somoio uko, Wildlife officer Bijoy Singh Basumatary aro unbaksa kam ka·rimskarang, silchidarechi gomanenba saknaataha ine Greatwil R Sangma, ia official-rangko matnange, FIR ka·doangahachim ine nikna man·a.
Wildlife-ni official-rang uko, una maming dakchakanirangko on·gija aro sanna bananirangko on·gija buringon gale donbaaiaha ineba Sangma, FIR-o matnangatahachim.
