SHILLONG: Sombar salo, a·songni chang 77-gipa Republic Day-ko manianio a·dokni Chief Minister Conrad K Sangma bak ra·pajahani gimin a·dokni Opposition Congress dol sing·doataha.
Meghalaya Pradesh Congress Committee (MPCC)-ni working president Deborah Marak-ni aganani gitade, a·dokni Chief Minister ong·e Conrad Sangma-sa manianiko dilna nangachim indiba uko Khasi aro Garo Hills-oba nikna man·jaha.
Iani bidingo Chief Minister-ko matnangatengon, a·songni Republic Day-ko manianio Conrad Sangma, kate dongenba, iandakgipa manianirangko aro a·dokni manderangko dal·e ra·jaenga ine Marak parakataha.
“Chief Minister roamesa dongenga ine chinga knasona man·aha indiba ua saksa Chief Minister ong·e, a·songni Republic Day-ko manidilnasa nangachim,” ine Marak, a·songni Republic Day-ko maniani somoio ua bachisa gimae dongaha ine sing·doataha.
Meghalaya a·dokni skotong Shillong songjinmao a·dokni Governor CH Vijayashankar-sa Republic Day-ko manidilaha aro Tura-oba Meghalaya Legislative Assembly-ni Speaker Thomas A Sangma-sa, a·songni nisanko badalate on·angahachim ine nikna man·a.
An·tangni social media page-rangoba Chief Minister, a·songni Republic Day-ko maniani bidingo mamingkon post ka·jahachim.
Republic Day-ko manianio bak ra·jani gimin CM-ko Congress sing·doa
Date:
Share post:
