SHILLONG: Immigration & Foreigners Act 2025-ni ning·o Meghalaya a·dokko chel·chakgipa ba skatang napna man·gijagipa biap dake parakna sorkari, cholrangko nienga ine Budbar salo, a·dokni Chief Minister Conrad K Sangma, Assembly-o parakataha.
Chief Minister-ni parakatani gitade, ia niamko ra·gatanichi gipin biaprangoni, mongsongbate gipin a·songrangoni re·baenggipa manderang, a·doko napna skang, dingtangmancha permit-ko ra·chengna nanggen.
Assembly-ni Budget Session-o Opposition-ni dilgipa Mukul Sangma-ni sing·anina aganchakaniko on·angengon, “An·chingo dingtang dingtang technology ba kolrang gnang aro ia kolrangan an·chingni kamrangko ka·anio dakchakaniko on·gipa ong·a. Ia kamko sorkari da·osa a·bachengenga. An·chingni a·dokona dingtang dingtang a·songrangoni manderang rona aro biap nina re·baenggiparangba donga aro ia kamko ka·engon, an·ching tourism-na nangchakeani dongjana gitasa ka·na nangenga,” ine Chief Minister aganaha.
Iani bidingo, Home Affairs Ministry baksa chanchirimchengani ja·man technology-rangko tarisochengesa a·doko dingtang dingtang dolrang, tour operator-rang aro political party-rang baksa chanchirimanggen ineba Chief Minister parakataha.
“Chinga ia kamko da·o dipet matchotkuja indiba sing·anirang dongani giminsa anga aganchakna draatako man·aha. Da·o dipet chinga kamtangtangko ka·engku aro ja·manosa dingtang dingtang dolrang baksa chanchirimgen,” ine Sangma aganaha.
Iako dakna miksonganiara, gipin biaprangoni re·baenggipa manderangko nirokna gita entry aro exit point-rangko kulianian ong·enga ineba Chief Minister parakataha.
“Manderangni nangnikaniba entry-exit point-rangko songanian ong·a aro chingni iako miksonganiba apsanan ong·enga. Gipin biaprangoni re·baenggipa manderangko nirokna aro am·sandina gita chinga biaprangko kulina nangnikenga aro ian chingni miksonganiba ong·a,” ine Sangma aganaha.
Foreigners Act-ni ning·o M’laya-ko chel·chakgipa biap ong·atna miksongenga: CM
Date:
Share post:
