SHILLONG: Garo Hills-oni 150 metric tonne-ni e·ching aro holdirangko direct market linkage-ni gita gipin biaprangona watataha, indakachiba dam 54 songrangoni sak 870 game -ge·e cha·giparang namgniko man·aha.
Business-to-Business (B2B) system-o game cha·giparang, companies aro exporter-rang baksa meligrike kam ka·enba chu·sokaniko man·enga. Save the Nature International and Cultivator Natural Products, Jodhpur, Dijako Agro Farmer Producer Company (FPC) baksa melie Meghalaya New and Renewable Energy Development Agency (MNREDA) aro Asian Devleopment Bank (ADB)-ni dakchakanio ia programko chalaienga.
Game ge·e cha·giparangna bikotdaldalgipa e·chingna 40 per kilogram aro holdina 25 per kilogramko on·enga. Game ge·e man·gipa e·ching aro holdirangko baditaba changde watataha.
Game cha·giaprangni ge·e man·gipa bosturangna namgipa ba kragipa damko on·na miksonganio procurement model-ko songni level-ona donna miksonga jekai packaging, laoding aro salruraniko niroka.
MNREDA-ni Director Dr. Joram Beda, programni gimin aganengon, “soninggipa bosturangna game cha·giparang namen jajrenga uni gimin game cha·giparangko exporter aro company-rang baksa bakrimate kam ka·na cholko on·a ine aganaha.
Uandake MNREDA-ni chairman Rupat Momin, indine aganskaha, “direct procurement-ni a·sel game cha·giparang jolan uamangni ge·e man·giparangko dal·dalgipa company aro exporter-rangna on·na man·a.
Uni gisepon Dijako Agro Farmer Producer Company, aggregator dake kam ka·skaengon game cha·giparangoniko uamangni ge·e game man·gipa bosturangko chimonge buyer ba bregiparangna on·skaa.
