Shillong: Rajasthan-o Prime Minister-chi a·song gimiko oprakan baksa Ganesh Das Hospital, Lawmali, Shillong-o 2026 bilsini February 28 tariko National Human Papillomavirus (HPV) Vaccination Campaign-ko Meghalaya sorkari a·bachengataha.
Meghalaya sorkarini Additional Secretary, Health & Family Welfare aro Mission Director, National Health Mission-ni Shri Ramakrisna Chitturi, IAS-ni jakchi program-ko a.dokni gadango a·bachengataha, aro ia program-o a·gipi sorkari official-rang, health professional-rang, development partner-rang, aro kobor ra·timgiparang manderangba dongpaaha. Da·al Meghalaya a·doko sak 9 bilsi 14 ong·giparang jemangan HPV Vaccine-ni beneficiary-rang ong·a uamangchin official-ni gita program-ko a·bachengataha.
State Immunization Officer, Dr. P. R. Marak-chi program-ko a·bachengani somoio mongsonggipa kattarangko aganangan baksa a·bachengataha, jean vaccination campaign-ni guideline-rangko u·iataha aro talate on·angchengaha. HPV Vaccine aro Cervical caner-ni bidingo Dr. Shailinia Syiem, Gynaecologist, President State, O&G Society, FOGSI-chi chu·gimik agan-talate on·aha. Tik ong·gipa bilsi jekai bilsi 14 ong·gipa me·chikrangna vaccine-ko on·anio gamchatani gimin kan·dike talatangaha aro HPV Vaccine-ara maidake cancer sagipa mangmangko vaccine champenga uani bidingoba talataha. Ia vaccine-ko senggnang ra·anio 90%-na bate chu·sokgipa rate-ko man·anio ua gisiko nangbate aganangaha. Me·chikrang jemangan bilsi 20-rang ba 30-rang aro 45-ona gapgipa me·chikrangba ia vaccine-ko ra·na man·gen aro pangnan screening ka·an baksa uamangba 88%-ni gita chel·chakaniko man·gen. HPV ian me·chikrang aro me·chikmarangosan man·aia ong·ja indiba me·asa bi·sa aro me·aparangoba su·na man·aia. East Khasi Hills, DMHO, Dr. Angel Kharduit, aro East Khasi Hills District, District DIO, Dr. Rapbor Laloo-mangni gitaba program-o aganangaha. Program-ko a·bachengatanio Nongmensong aro Rynjah-oni VHC member-rang aro Mawlai-oni Nokmaba dongpaaha.
A·dok gimiko je sorkarini chalaienggipa sanchakramoniko ia vaccine-rangko indin su·na man·gen. Beneficiary-rang ia vaccine-ko su·na man·haode UWIN App-oniko UWIN Certificate-ko ra·na man·gen.
India-ni me·chikrango Cervical cancer-ko bang·bate man·giparangoni ong·e manderangni sanna bannanio ra·bianiko man·batgipa ong·enga. India a·songo ian me·chikrangni gisepgriko man·batgiparangoni gnigipa cancer sabisi ong·enga. 2024 bilsi mangmango India, sak 78,499 gital saako man·giparang aro sak 42,000 manderang cervical cancer saa man·e siaha.
Meghalaya a·doko sak 332 cervical cancer saako rim·a man·aha, 2020-21-o sak 27 saa man·aoni 2025-26 bilsio sak 332 da·o bate saako rim·a man·aha. HPV vaccination dakgipa samchi champengani ja·kuko de·na nangchongmotengaha.
A·dok gimiko campaing ka·ani ning·o, bilsi 14 ong·gipa me·chik bi·sarang (jemangan bilsi 14 matchotaha indiba bilsi 15 gapsrangkugijagipa)-rangko iano man·gopataha, Meghalaya a·dok gimiko sak 39,000-ni gita beneficiary ong·a. Tikka su·aniko ge-187 planning unit-rango dakanggen, Primary Health Centre-rango, Community Health Centre-rango aro District Hospital-rango su·gen. Naljokaniko on·a aro bimchipe kamko chu·sokatna man·a gita sanna bannanio u·i ma·sigipa sak 9121, jekai doctor-rang, nurse-rang, ANM-rang aro ASHA worker-rang-ko a·dok gimiko donanggen.
