TURA: Re·baenggipa April jani 10 tariko ong·atna manchisoenggipa Garo Hills Autonomous District Council (GHADC) election-o susana gita Nationalist Congress Party (NCP)-ni skanggipa list-o sakdok candidate-rangko parakatani ja·man da·o gnigipa list-o sak 10 candidate-rangko biming mingdapataha.
NCP-ni gnigipa list-o parakatgipa sak 10 candidate-ranga, Batabari GHADC constituency-na Kingstone Bolwari Marak, Asanang-na Kraistone Marak, Dengnakpara-na Baithiram A Sangma, Betasing-na Bina Rosaline A Sangma, Nogorpara-na Gracefield Ch Marak, Rongrikkimgre-na Arnarson Ch Marak, Balachanda-na Dominic Ch Sangma, Rochonpara-na Daniel M Sangma, Siju-na Senggam K Sangma aro Amongpara GHADC constituency-na Lordmountvyrythints G Momin ong·a.
Ia candidate-rangni bimingrangko u·iatengon, skanggipa list-o NCP-ni sakdok candidate-rangko parakataha aro Sombar salo, NCP-ni election committee tom·enba gnigipa list-o sak 10 candidate-rangko seokdapaha ine NCP state election committee-ni chairman OK Sangma parakataha.
NCP-ni gittamgipa aro bon·kamgipa candidate-rangko March-ni 6 tariko parakatgen ineba Sangma u·iataha.
