TURA: Garo Hills-o songdongenggipa manderangna Assam & Meghalaya Autonomous Districts (Constitution of District Councils) Rules, 1951 (Amended)-ni ning·o Garo Hills Autonomous District Council (GHADC)-ni ra·gate ja·rikenggipa niamrangni gimin Tura-ni MDC aro BJP-ni state vice president Bernard N Marak, a·dokni Governor-na talate on·ataha.
Iani bidingo a·dokni Governor CH Vijayashankar-na seachi u·iatengon, Para 8-ni ning·o, a·songo songdongkamgipa mande ong·jagenchimode, bilsi 25-na batgipa ong·jaode aro District Council-o pu·onna man·gipa mande ong·ja ong·ode District Council-ni membor ong·na man·ja ine Marak parakataha.
Para 128, Sub Para 1-ni ning·o pu·onna on·gimin bilni bidingo janapatskaengon, “Assam, of the Schedule to the Constitution (Scheduled Tribes) Order, 1950-ni Para I-ni Item I-o janapgimin gita ua mande, Scheduled Tribe (ST) ong·jagenchimode aro ua janapgimin Autonomous District-ni ning·o songdongkamgipa ong·ja ong·ode, pu·onna gita man·ja,” ine Tura MDC parakataha.
Para 128, Sub Para 3-ni ning·o Permanent Resident ba songdongkamgipa mandeni gimin janapatengon, “Ia niamni ning·o, ua mande bilsi 12-na bate janapgimin a·jao an·tangni nokdang baksa songdongkamahaosa uko songdongkamgipa ine ra·na man·a. Ua mande, kamni gimin janapgimin a·jao songdongmangmangaiode uko songdongkamgipa ine ra·na man·ja,” ine Marak parakataha.
GHADC-ni ning·o songdonggiparangna dongimin niamrangni gimin Tura MDC talata
Date:
Share post:
