Shillong: North East Graduate Congress (NEGC) 2026-ni 8-gipa edition-ko ISTM Campus-o March 26 tarikoni 28 tarikona ong·atgen ine University of Science & Technology Meghalaya (USTM), Shillong Club-o tom·ani somoio parakataha jeon organiser-rang salgro salaram adok gimikoni college aro university-rangoni undergraduate ong·gipa hajal chatro chatrirangko apsan ong·atna dal·begipa chadamberangni tom·aniona sokbana ka·dongsoenga.
Press tom·anio Er Fidel War, (Hony) Director, ERDF, Dr Mehzabeen Rahman, Principal Secretary, USTM; Dr Rashmi Baruah, Associate Professor, Department of Business Administration, USTM; Dr Amilia Nongbet, HOD Dept of Botany, kobor ra·timgiparangna programme-rangni miksonganiko aro nakatna ma·enggipa Congress-ni bidingo kan·dike talataha.
Salgro salaram a·doko NEGC-ko dal·batsranggipa gronggrikani dake chana, ian academic-ni mongsonggipa dilgiparang, education-ni, industry-ni, entrepreneur-rangni aro a·songo niksenggipa chadambe baksa chadamberangni chanchianirangna nambatgipa cholrangko on·a. Salgittamna programme-ko ong·atanio susaanirangko ong·atanichi, u·i ma·sie ra·ani session-rangni gita aro dilanirangko bilakdapatna, innovation aro kam ka·na tarisamsoaniko bilakdapatna agangrikani cholrangko on·angna miksonge iako ong·atenga.
One North East Music Festival, ian NEGC-2026-ni ge·sa mongsonggipa program ong·a, iano salgro salaram a·dok gimikoni jatni doka damani aro chrok mesaanirang aro nitogipa rongrang baksa manianggen. Festival-o niksenggipa rockstar Lou Majaw unbaksa mingsinggipa artist-rang jekai Madhubanti Bagchi, Aditya Narayan aro Dharmesh Yelande perform ka·anggen, uamangna agreba a·doktangoni Hillphonic aro salgro salaram a·dokrangoni artist-rang manianio bak ra·anggen.
Dingtang dingtang special session-rangko aro chadamberangni namroroanio, entrepreneurship, an·tangtangko tariani aro chol on·enggipako ra·ani bidingo agangrikaniko Congress ong·atgen.
NEGC-2026-o bak ra·angna gisiko nanggipa chatro chatrirang uamangni institution-rang ba organiser-rangko 8638686373 / 9613719437-ona ka·ate register ka·angna man·gen.
USTM, Assam aro Meghalaya sima ari Baridua-o donga, ian ge·sa India-ni salgro salaram a·doko ta·rake dal·roroenggipa ong·a, National Assessment and Accreditation Council (NAAC)-ni gita Grade ‘A’-ko on·aha aro National Institutional Ranking Framework (NIRF)-ni gita India-o top 200-gipa university ong·enga.
