TURA: Garo Hills Autonomous District Council (GHADC)-o National People’s Party (NPP) aro Trinamool Congress (TMC)-ni membor-rang, gital Garo Hills United Alliance (GHUA) Executive Committee (EC)-ko songani ja·man, GHADC election-o susana gita Scheduled Tribe (ST) certificate-ko nangtelgipa ong·atani bidingo chanchirimna gita re·baenggipa antio Special Session-ko ong·atna tik ka·angaha.
Bristibar salo, GHUA-ni skanggipa tom·bimonganiko, Chief Executive Membor (CEM) Dhormonath Ch Sangma-ni office-o ong·ate chanchirimangani ja·man, ST certificate-na resolution-ko ra·na gita mikkang antio Special Session-ko ong·atna tik ka·e donangaha.
Ia tom·anio, GHADC-na dingtang electoral roll-ko tariani bidingo aro Garo Customary Law (GCL)-ko maikai ta·rake chu·sokatna man·gen, iani giminba GHUA-ni membor-rang chanchirimangaha ine kobor on·timgiparang parakataha.
GHADC election-o susagiparang ST certificate donggiparang ong·na nanggen ine u·iataniko on·anio gitcham CEM Albinush R Marak, Executive Committee aro Council-ni kosako re·badee, an·tangni skani gitasa u·iataniko on·aha ine matnangatenba, NPP aro TMC-ni membor-rang, uni kosako No-Confidence Motion-ko dakna tik ka·ahachim indiba motion-ko ra·gatna skangan gitcham CEM, kamtangko watangani ja·man gital CEM-ko seokskaahachim.
Indake ong·engon, gital Executive Committee-ko songaoni GHUA-ni skanggipa tom·aniko Bristibar salo ong·atangaha aro ST certificate-ni bidingo chanchirime resolution-ko ra·na gita mikkang antio special session-ko ong·atna tik ka·e donangaha.
ST certificate-ni bidingo Special Session-ko mikkang antio ong·atgen
Date:
Share post:
