SHILLONG: School-rango ‘Vande Mataram’-ko ring·na aro ring·ako chipchina ba record ka·china gita ge·etaniko on·gipani bidingo man·chape, gimik mingbonga kam-a·selrangni bidingo Khasi Students Union (KSU) Bristibaro A·dokni Chief Secretary Shakil P Ahammed-na memorandum-ko on·aha aro uamangni see on·giparangko niroke kam ka·china gita didiaha.
Assistant general secretary Reuben Najiar-ni dilani dolsa KSU delegation, Bristibar salo Chief Secretary-ko Main Secretariat-o uni office-o grongenba memorandum-ko on·aha aro uamangni nangnikanirangko parakaha.
School-rango ‘Vande Mataram’-ko ring·na nangtelgen ine Directorate of Arts and Culture-oni ge·etaniko on·aniara secular a·dokode kraani ong·ja, maina iano Hindu miterangna ring·aniba donga ine Directorate of Arts and Culture-ni ge·etaniko KSU general secretary Donald V Thabah jegalaha aro ia ge·etaniko ra·galjaode jegalaniko bilakbatatgen ineba Union mikrakataha.
Minggipin, taridapgimin Meghalaya Identification, Registration (Safety & Security) of Migrant Workers Act, 2020-ko da·alonaba ja·rikkujaengani giminba changsatai gisik ra·ataniko on·aha, jekon 2024 August jaon state cabinet-o ra·chakmanahachim.
Unomitingo District Selection Committees (DSCs)-ni kamrango tik ong·gijani bidingoba uamangni memorandum-o janapaha, DSC-rango mande ra·anio mikkang nie dakanirang dongenga, personal interview-rangko bon·atna nanga ingipakoba da·alona ja·rikkuja ine aganan baksa, uamangni mol·molaniko knachakjaode jing·jengatgen ineba KSU mikrakataha.
