TURA: All Garo Hills Primary School Teachers’ Association (AGHPSTA), a·dokni Chief Minister Conrad K Sangma-na memorandum-ko on·e, uamangni dabienggiparangko chu·sokate on·china gita sal 20 somoiko on·aha.
Association-ni memorandum-o janapgimin dabianirango DEEET-ko recognised ka·china, SET-ko MTET gitan ra·china ba chanchina, service-o donggipa teacher-rangna dingtangmancha MTET porikkako ong·atchina, Primary teacher-rangna ACPS/MACPS-ko on·angkuchina aro bilsi 2022-o teacher-rangni kamko regularise ka·mitingo watchanga man·gipa teacher-rangni kamko regularise ka·china dabianirangko man·gopa. Indake ong·engon Chief Minister-ko gronge agangrikao, association-ni on·gipa memorandum-ko ra·chake CM, uamangni dabianirangko nirokatna ka·dongataha.
