SHILLONG: Jaintia Hills Autonomous Distric tCouncil (JHADC)-o candidate-rangna aro voter-rangna Scheduled Tribe certificate-ko nangchongmotgipa dakatna Jaintia Students’ Union (Central Body) dabiaha, ian tribal jatni bilko chelchakna aro electoral-na kam ka·aniko namdapatna nangao chanchina nanggipa ong·enga ine parakataha.
JHADC election-o susaenggipa candidate gimikan nomination file ka·ani somoio ST certificate on·china dabiaha aro Assam aro Meghalaya Autonomous District Council (Constitution of District Councils) Rules 1951-ko chu·sokatchina Governor-oni ra·chakaniko man·a sorkiriko mol·molan baksa Union Chief Minister-na memorandum-ko on·angaha.
Jaintia HIlls a·jao candidate aro voter-rangni bilko chel·chakna man·a gita JHADC election-o bak ra·gipa voter-rang gimikna ST certificate-ko nangchongmotgipa dakatna ge·etaha.
JHADC-ni Rule 8 aro Rule 128-o raken janapgipa donga jeon Jaintia Hills-ni tribal manderang mangmangsan Council-ni ning·o election-o susaangna man·a janapa donga ine Union agandapangaha.
Jaintia Hills a·jao Special Intensive Revision (SIR)-ko ta·rake chu·sokatchina Union dabiangaha, aro iako Election Commission of India-ni ggita dakna nanggen, jeon electoral roll-o songdonggipa gimikan bimingko chanchapatna miksonge donaha, aro uni gisepon niam gri napbagipa ba authorise ong·gipakorangko ra·galanggen.
Jaintia Hills a·jani dingtang dingtang bakrango gipin jatrang bang·en donga dingtangmancha Lad Rymbai, Lakroh indakgipa biaprango donga aro dingtanga dingtang songjinmani gittimrang koela cho·e kam ka·anirango rakkienga, indakgipa kamrangchin joltango donggipa mandaerangni gisepgriko rabianirang batrikrikengaha, ine uamang agandapangaha.
JHADC candidate, voter-rangna ST-ko nangchongmotgipa dakatna JSU dabia
Date:
Share post:
