SHILLONG: Assam aro Meghalaya-ni gisepo sima ario meligrikgijanirangko namatna agangrikani batanggimin bilsi gni somoirangonin bon·chipe dongenga indiba Assam-o mejaomangmang election matchotanga, gital sorkari rika jolan agangrikaniko a·bachengtaina am·enga.
HSPDP-ni president KP Pangiang, kobor ra·timgiparang baksa agangrikmitingo indine aganaha, “sima arini mamlao agangrikaniko a·bachengtaina party, Chief Minister-ko gisik ra·attaiaha.
Assam-o gital sorkariko rikani ja·man sima arini bidingo agangrikaniko a·bachengtaigen ine Chief Minister Conrad K Sangma, aganaha ine Pangiang u·iataha.
Meghalaya aro Assam-ni gisepo bang·a jolrango sima ario meligrikgijanirang donga, jeoni damdok biaprangode meligrikna man·aha indiba bangkirangko man·kujaenga.
Dolgni a·dokrangan sima ario meligrikgijanirangko namatna gisik on·enga, dolgni a·dokrangan ia mamlako name dake nirokna gita regional committees-ko songaha indiba Committee, ia mamlao chanchirimna tom·anian dongjaenga.
Indake ong·engon HSPDP, Meghalaya Democratic Alliance (MDA) sorkarini Garo aro Khasi ku·sikrangko official languages dakatani gimin de·mittelaha, ian Garo aro Khasi ku·sikrangko Constitution-ni Eighth Schedule-o napatna re·mikkanganio mingsa dal·begipa ja·ku de·ani ong·a ine aganaha.
Sima arini bidingo agangrikaniko a·bachengtaina CM-ko gisik ra·ata
Date:
Share post:
