SHILLONG: May-ni skanggipa ba gnigipa antirango Shillong Parliamentary Bye Election-ko ong·atna am·enggiparangna Congress party-ni gita candidate-na bimingko minggen.
Bye election-ni bidingo agangrikna AICC-ni gita chanchirimna uko okamaha ine Congress president Vincent Pala aganaha.
Party candidate sawa ong·gen ine sing·aha, election-o susana party-ni dambe dilgipa Manuel Badwar-ko ua nangnika jeon ia election-o Badwar an·tangba susana sikenga ine ua aganaha.
Sawa party-ni candidate ong·gen iana party changsa tom·e chanchigen ine ua aganaha.
Gipin political party-rang jekai BJP aro NPP, candidate-rangni bimingko mingangna a·bachengaha aro ia political party-rang mikkang jao uamangni candidate-ni bimingrangko parakatna chanchiengaha.
Uamang election-o susagenma susajwa iani bidingo UDP dolba mejamangmang agangrikaha.
Bye election-ko Shillong MP Dr. Ricky AJ Syngkon-ni mejamangmang siani gimin ong·atna nangchongmotaha.
