SHILLONG: BJP Mahila Morcha-ni Meghalaya unit, North Shillong wing-ni dilanio Sonibar salo Khyndailad point-o tom·tom asonge jingjengatange 33% women reservation-na dabiangaha.
Jingjengatao Mahila Morcha-ni bang·en memborrang bakko ra·angaha.
Kobor ra·timgiparang baksa agangrikmitingo BJP Mahila Morcha-ni Arena Hynniewta, Congress-ko women reservation bill-ko Parliament-o pass ka·na on·jani gimin matnangaha. Jingjengatgiparang placard-rangko de·e, legislative aro local governance institution-rango me·chikrangna kra gita biaprangko on·china dabiangaha. Niamrangko tarianio me·chikrangko bang·bate bakrimataon a·dok bilakdapgen, namroro-silrorogen ine aganaha.
Uandake Mahila Morcha-ni dilgiparang indine agankuaha, songsalo me·chikrang dingtang dingtang a·barango kamrangko ka·e chugipa gadangrangona sokengjok, uni gimin political governance-oba me·chikrangna bang·bate cholrangko on·na nangenga.
