TURA: April-ni 27 tarik attamo, Tura Don Bosco College-o Past Pupils Meet ba college-o poraianggipa gitcham chatro chatrirangni tom·aniko ong·ataha aro ia tom·anio, sak 250-mangni gita gitcham chatro chatrirang bak ra·angtokaha.
Ia tom·aniko Tura Don Bosco College-ni Principal Fr Januarius S Sangma, gitcham chatro chatrirangna bi·chakanichi a·bachengataha aro ia bi·anio gitcham chatro chatrirang pilakan bak ra·angaha.
Ia tom·aniko ong·atanio, Captain Williamson Sangma State University-ni Registrar aro Provincial President (Guwahati Province) Ambrose Ch Marak, mongsonggipa sokgipa ong·e, tom·anio bak ra·giparangna aganprakangengon, ia college-o poraiengmiting somoio skie ra·anggipa namgipa kamrangko gisik ra·e, pangnan namgipa manderang ong·angkuchina, Salesian Mission-ni kamrango pangnan dakchakanirangko on·china aro mongsongbate kangal cholgrirangna aro chadamberangna lekka poraniko on·anichi dakchakanirangko on·china college-ni gitcham chatro chatrirangko didiangaha.
Ia tom·anio, Rector Fr Pius-ba jinmana aganprakengon, Pope Francis-ni gimin aganangenba, uni dambemiting somoio ua Argentina a·songni Don Bosco Institute-o poraie, a·gilsako saksa niksengbatsranggipa dilgiparangoni saksa ong·aha ine parakataha.
Ia tom·anio, Don Bosco College-ni Principal Fr Januarius S Sangma, Fr Jogesh B Sangma, Ranggina Marak aro gipinrangba aganprakangaha.
