TURA: Garo Hills-o Doppler Weather Radar (DWR)-ko songna gita Bristibar salo, dingtang dingtang department-ni official-rang, Darechikgre aro Albella Chidekgre songo donggipa Albella a·briona re·angenba biaprangko niangaha.
Ia biaprangko, Shillong-ni Indian Meteorological Department (IMD), State Disaster Management Authority (SDMA) aro District Disaster Management Authority (DDMA)-ni official-rang, Rongram Block-ni official-rang baksa niangaha.
Ia biaprangko nianganio dongpae bak ra·anggipa manderangara, Regional Meteorological Centre, IMD Guwahati-ni Scientist ‘F’ Dr Sanjay O’Neill Shaw, Meteorological Centre, IMD Shillong-ni Director aro Head Thangjalal Lhouvum, Rongram C&RD Block-ni Block Nodal Officer Dr Jasmine SR Marak, SDMA-ni Field Engineer Jaspher Pdeng, Tura DDMA-ni Field Engineer Camelius K Sangma, Rongram Block-ni Gram Sevak-rang baksana Darechikgre aro Albella Chidekgre songni manderang ong·a.
Ia 2026 bilsini January 19 tariko, Assam a·dokni Jorhat-o a·bachengatgipa X-Band DWR-ko man·chape da·o dipet India a·song gimiko dam 48 Doppler Weather Radar-rangko chalaie, manderangna mikka wagni aro balwa rakgnirangko u·iatenga.
Da·o dipet Meghalaya a·dokode Sohra-osan DWR dongkuenga aro Albella Chidekgre-o DWR-ko songna miksongani chu·sokbebegenchimode ian a·doko gnigipa DWR ong·gnok.
