SHILLONG: National People’s Party (NPP), re·baenggipa Shillong parliamentary constituency-ni by-election-o Khasi Authors’ Society (KAS)-ni president aro NEHU-ni faculty membor Prof DRL Nonglait-ko chakatatna jotton ka·enga.
NPP state working president Hamletson Dohling-ni dilgipa delegation, party unit-ni president aro secretaries baksa Prof Nonglait-ko uni dongenggipa Lumshyiap Pdengshnong-ni nokona re·ange grongeaha.
Uandake grongani ja·man kobor ra·timgiparang baksa agangrikmitingo Dohling, indine aganaha, “Party-ni national president Conrad K Sangma, state president Prestone Tynsong aro national vice president Sniawbhalang Dhar- uamangni ge·etanio Prof Nonglait-ko re·baenggipa by-election-o NPP ticket-o chakatna mol·molaha.
By-election-na candidate-ko baseani bidingo adita changna tom·e chanchirimaha, indake Prof Nonglait-ko chakatatna party namnikaha.
Khasi aro Jaintia a·jani dilgiparangba party-ni namnikgipa candidate-ko namnikpaaha. Indake Prof-ko gronge agangrikaha ine Dohling koborna u·iataha.
“Party ong·e, district-ni dilgiparangni chanchia aro agan-ku·pattianirangko nigrikna nanga indake Prof. Nonglait-ko jinmani namnikani gimin baseaha.”
Prof-ko gronge party-ni ticket-o chakatna mol·molaha aro party-ni gita chu·gimik dakchakaniko on·na ka·dongataha.
Indiba da·odipet Prof. uni kattako on·kujaenga, bia chingko mande ra·bee rimchaksoaha aro chingni agana kattarangko namen knatimaha ine Dohling agankuaha.
